د اسلامي ارزښتونو پر ساتنې د تخنیکي او مسلکي زده کړو ادارې لوی رئیس ټینګار

media_admin
شنبه ۱۴۰۴/۶/۸ - ۱۱:۱۲
TVETA

د تخنیکي او مسلکي زده کړو ادارې، ارشاد او دعوت ریاست دوه ورځنی علمي او تربیوي سیمینار ترسره کړ.

د دې علمي پروګرام په پرانیست غونډه کې، د تخنیکي او مسلکي زده کړو ادارې لوی رئیس الحاج مولوي غلام حیدر شهامت د اسلامي ارزښتونو او د اسلامي شریعت د پلي کولو پر څرنګوالي خبرې وکړې.

نوموړي ټینګار وکړ چې اسلامي فرهنګ او ارزښتونه د مسلمانانو لپاره په دنیا او آخرت کې د خیر لامل ګرځي. ښاغلي مولوي شهامت زیاته کړه چې مسلمانان باید په هر حالت کې خپل اصلي اسلامي فرهنګ وساتي.

دغه‌راز د تخنیکي او مسلکي زده کړو ادارې لوی رئیس وویل چې امرباالمعروف او نهی عن المنکر د هر مسلمان دنده ده او زیاته یې کړه چې هرڅوک باید په ټولنه کې د فساد او منکراتو پر وړاندې مبارزه وکړي.

په ورته وخت کې، ددې ادارې د تخنیکي او مسلکي چارو مرستیال مولوي غلام سعید احساس د خپلې وینا په ترڅ کې وویل چې ارشاد او دعوت د اسلامي شریعت له احکامو څخه دي او مسلمانان باید ورته ډیره پاملرنه وکړي.

دا په داسې حال کې ده چې، د تخنیکي او مسلکي زده کړو ادارې د ارشاد او دعوت ریاست هڅه کوي ترڅو د بیلابیلو ښوونیزو پروګرامونو او سیمینارونو په جوړولو سره د دې ادارې د زده کونکو او کارمندانو د پوهاوي کچه لوړه کړي.

تازه خبرونه

شنبه ۱۴۰۴/۶/۸ - ۱۴:۴۱
Background image

د نیمروز ولایت د تخنیکی او مسلکي زده کړو آمریت او اطلاعاتو او فرهنګ ریاست ترمنځ د همکاریو هوکړه‌لیک لاسلیک شو

په نیمروز ولایت کې د تخنیکي او مسلکي زده کړو ادارې مسؤلین خبر ورکوي چې د یاد ولایت د اطلاعاتو او فرهنګ ریاست سره یې د ګډو همکاریو هوکړه‌لیک لاسلیک کړی. دا هوکړه‌لیک د دواړو نهادونو. . .

شنبه ۱۴۰۴/۶/۸ - ۱۱:۱۲
Background image

د اسلامي ارزښتونو پر ساتنې د تخنیکي او مسلکي زده کړو ادارې لوی رئیس ټینګار

د تخنیکي او مسلکي زده کړو ادارې، ارشاد او دعوت ریاست دوه ورځنی علمي او تربیوي سیمینار ترسره کړ. د دې علمي پروګرام په پرانیست غونډه کې، د تخنیکي او مسلکي زده کړو ادارې لوی رئیس الحاج. . .

پنجشنبه ۱۴۰۴/۶/۶ - ۱۱:۴۱
Background image

د تخنیکي او مسلکي زده کړو ادارې څخه یو پلاوي د بدخشان ولایت له سیمه ییزو مسؤلینو سره وکتل

د تخنیکي او مسلکي زده کړو ادارې اړوند یو پلاوي، شمال ختیځ ولایتونو ته د خپل سفر په دوام کې د بدخشان ولایت له سیمه ییزو چارواکو سره وکتل. نوموړو د خپل سفر په ترڅ کې د بدخشان ولایت د. . .

BACK TO NEWS