تخنیکی او مسلکی زده کړو ادارې د ابن سینا پوهنتون سره یو هوکړه لیک لاسلیک کړ
د تخنیکي او مسلکي زده کړو ادارې ابن سینا له غیر انتفاعي پوهنتون سره یو هوکړه لیک لاسلیک کړ چې د دې ادارې انسټیټونو فارغانو او کارکوونکو جذب لپاره زمینه برابره کول څو د لیسانس او ماسټرۍ په برخه کې خپلو زده کړو ته دوام ورکړي.
دغه هوکړه ليک د تخنيکي او مسلکي زده کړو ادارې سرپرست مولوي غلام حيدر شهامت او د ابن سينا پوهنتون د مرستيال ډاکتر محمد ظاهر حليمي له خوا لاسليک شو.
د دغه هوکړه ليک لاسليک کولو موخه ابن سينا پوهنتون د تخنيکي او مسلکي زده کړو ادارې انسټیټونو فارغانو او ددغه ادارې کارکوونکو ته د زده کړې په کم فيس سره زده کړو د دوام زمينه برابرول دي.
د لاسلیک شوي هوکړه لیک له مخې تخنیکي او مسلکي زده کړو اداره داوطلبان د خپلو زده کړو د دوام په موخه ابن سینا پوهنتون ته معرفي کوي.
د ابن سینا پوهنتون د خپلې ژمنې سره سم، د لیسانس په فیس کې ٪۵۰ تخفیف او د ماسټرۍ لپاره ۳۵٪ تخفیف ورکوي.
