د انافي مؤسسې له مسؤلینو سره د پلان او استراتیژیکو همغږیو ریاست ناسته ترسره شوه
د تخنیکي او مسلکي زده کړو ادارې د پلان او ستراتیژیکو همغږیو ریاست د یوې ناستې په ترڅ کې د "انافي" موسسې له مسؤلینو سره وکتل او خبرې اترې یې وکړې.
په دې غونډه کې، دواړو خواوو دګډو همکاریو پر پیاوړتیا او دغه راز د تخنیکي او مسلکي زده کړو ادارې کارمندانو لپاره د مصنوعي ځیرکتیا «هوش مصنوعي» په برخه کې د ښوونیزو پروګرامونو د ترسره کولو په اړه بحث وکړ.
په همدې حال کې، د انافي موسسې مسؤلینو د تخنیکي او مسلکي زده کړو ادارې د پلان او همغږۍ ریاست له چارواکو سره په دې غونډه کې ژمنه وکړه چې نوموړوي به ډېر ژر د دې ادارې د کارمندانو لپاره د مصنوعي مصنوعي ځیرکتیا «هوش مصنوعي» په برخه کې روزنیز پروګرامونه پیل کړي.
د یادونې وړ ده چې د انافي مؤسسه د محصلینو او کارمندانو لپاره د ښوونیزو پرو ګرامونومو د جوړولو په شمول په بېلابېلو ښوونیز برخو کې د تخنیکي او مسلکي زده کړو له ادارې همکاري لري.
