په روزنیز ورکشاپ کې د تخنیکي او مسلکي زده کړو ادارې د کارمندانو ګډون
د تخنیکي او مسلکي زده کړو ادارې د کارکوونکو چارو ریاست مسؤلین وايي چې د ددې ادارې د مرکزي هستې یو شمیر کارکوونکي یې د ظرفیت لوړونې په موخه د ملکي خدماتو انسټیټوټ، ۵ ورځني ورکشاپ ته معرفي کړي دي.
د یادونې وړ ده چې ددې پروګرام ګډونوال به ۵ ورځو په ترڅ کې د ملکي خدماتو انسټييوټ د ترینرانو له لوري د نامه نګاري او اداري سلسله مراتبو په شمول د اداري مراسلاتو «اداري لیکونو» په اړه روزنه ترلاسه کړي.
په ورته وخت کې د کارکوونکو چارو ریاست مسؤلین زیاتوي چې د دې پروګرام د ترسره کولو موخه د کارمندانو ظرفیت لوړول او په غوره توګه د اداري چارو ترسره کیدل دي.
دا په داسې حال کې ده چې د تخنیکي او مسلکي زده کړو ادارې د کارکوونکو چارو ریاست تل هڅه کوي چې ددې ادارې د کارمندانو د مهارتونو د پراختیا لپاره په راتلونکي کې هم په دوامداره توګه ورته پروګرامونه ترسره کړي.
