د تخنیکي او مسلکي زده کړو ادارې د ۹ اعلان شوي بستونو آزموینه واخیستل شوه
د تخنیکي او مسلکي زده کړو ادارې د تضمین کیفیت او د پروګرامونو د تحقیق ریاست ته اړوند د ۹ بستونو آزموینه واخیستل شوه.
د دې پروګرام په پرانستونکي وینا کې د بشري سرچینو رئیس ښاغلي مولوي محمد مکاشف وویل، چې د ازادې سیالۍ د آزموینې د ترسره کولو موخه د مسلکي او متخصصو کسانو جذبول دي.
نوموړي څرګنده کړه، چې دغو بستونو ته د نوماندانو د شارت لیست بهیر په پوره شفافیت سره ترسره شوی دی.
د بشري سرچینو رئيس همدارنګه زياته کړه، چې په دغو بستونو کې شاوخوا ٢٥٠ کسانو سيالي کړې ده.
د تخنيکي او مسلکي زده کړو ادارې رهبري د یادې ادارې په تشکيل کې د متخصصو او مسلکي کسانو د ملاتړ او راجلبولو ته ژمنه ده.
