د لوګر د کرنې او وترنرۍ انسټیټوټ کې د څارویو لپاره د منرال جوړول
د لوګر د کرنې او وترنرۍ انسټیټوټ د کورنیو څارویو لپاره منرالونه جوړوي. دا منرال د یو کیلو غنمو وړو، د هګیو پوستکی، مالګه، د هډوکو پوډر او یو څه اوبو په مخلوطولو سره ترلاسه کیږي.
دا منرال د هغو څارویو لپاره کارول کیږي چې بدن یې کیمیاوي عناصر لکه کلسیم، سلفر، فاسفورس، پوتاشیم، سوډیم او کلورین نلري.
د څارویو په بدن کې د دغه عناصرو کموالي سره، په بېلابېلو ناروغیو اخته کیږي.
د تخنيکي او مسلکي زده کړو اداره د دغې ادارې د ښوونيزو مرکزونو محصلینو ته د مسلکی زده کړو په وړاندې کولو سره د هېواد د اقتصادي ودې لامل ګرځي.
