د میخانیکي انسټیټوت پېژندنه
میخانیکي انسټيټوټ چې د کابل ښار په دویمه ناحیه کې موقعیت لري په ۱۳۱۶ هجري لمريز کال کې تاسیس شوی دی، او یو تخنیکي او مسلکي انسټيټوټ دی. چې د میخانیک په برخه کې له لسم څخه تر څوارلسم ټولکي (لیسه او انسټیټوټ) نارینه او ښځینه زده کوونکو ته تخنیکي او مسلکي زده کړې ورکوي.
لومړني معلومات:
دغه انسټيټوټ ۵۶ درسي ټولګي، برښنا، اوبه او شنه ساحه لري.
جوړښت اړوند معلومات:
میخانيکي انسټيټوټ په ټوله کې ۱۴۵ کارکوونکي لري، چې ۱۱۰ استادان، ۱۲ ادارې کارکوونکي او ۲۳ خدماتي کارکوونکي دي.
تحصیلي څانګې:
دا انسټيټوټ اته (۸) څانګې لري ( ارکانۍ، فلزکاري، برښنا، موټرو ترمیم، اوبو رسول او مرکز ګرمي، ماشین، عمومي څانګې او الکترونیک) او شاوخوا ۱۲۰۰ زده کړیالان په دې برخو کې په مسلکي زده کړو بوخت دي.
کپیوټرلب:
د کابل میخانیکي انسټیټوټ هر ډيپارټمنټ جلا جلا کپیوټر لب لري.
د عملي کارونو لپاره شاپونه:
عملي درسونو لپاره د کابل میخانیکي انسټيټوټ ۱۳ ورکشاپونه لري چې د برښنا، الکترونیک، د موټرو ترمیم، ماشین الات، فلزکاري، حلبی سازي، اهنګری، ترکاڼۍ او اوبو رسولو او مرکز ګرمی له برخو څخه دی.
جنسیت له مخې استادانو په اړه عمومي معلومات:
په دې انسټيټوټ کې ۸۰ تنه استادان دی، چې له دې جملې ۶۴ تنه نارینه استادان او ۱۶ تنه ښځينه استادانې لري.
بدل اعاشه:
یاد انسټيټوټ په راون سمسټر کې شاوخوا ۱۲۰۰ تنه زده کوونکي او زده کړیالان په زده کړو بوخت دي، چې له دې جملې څخه ۶ تنه د بدل اعاشې او یو تن په لیلیه کې اوسیږي.
د تخنیکي او مسلکي زده کړو خپلواکه اداره ژمنه دی چې د خپلو مسلکي زده کړو له لارې د هېواد تنکیو ځوانانو ته په بازار کې د کار زمینه برابره کړي.
دغه اداره د انسانې ځواک پراختیا او د هېواد اقتصادې ودې په برخه کې هم کار کوي
