د تخنیکي او مسلکي زدهکړو ادارې د کارکوونکو لپاره د ظرفیت لوړونې پروګرام جوړ شو
د تخنیکي او مسلکي زدهکړو ادارې د کارکوونکو چارو ریاست د کارکوونکو د ظرفیت لوړولو او د مسلکي مهارتونو د پیاوړتیا په موخه، د ادارې د نویو ګومارل شویو کارکوونکو لپاره د کمپیوټري پروګرامونو د کارونې په برخه کې یو ښوونیز پروګرام جوړ کړ.
په دغه پروګرام کې شاوخوا ۲۰ تنه نوي ګومارل شوي کارکوونکي ګډون لري، چې ټاکل شوې د کمپیوټري پروګرامونو د کارونې په برخه کې د اړینو مهارتونو په زدهکړې سره په اړوندو برخو کې خپل کاري ظرفیت او وړتیاوې پیاوړې کړي.
دغه پروګرام د ډیجیټلي مهارتونو د پیاوړتیا، د اداري چارو د ښه ترسره کولو او د کارکوونکو د کاري اغېزمنتیا د زیاتوالي په موخه جوړ شوی دی.
د یادونې وړ ده، چې د تخنیکي او مسلکي زدهکړو ادارې د کارکوونکو چارو ریاست تر دې وړاندې هم د کارکوونکو د ظرفیت لوړولو په موخه په بېلابېلو برخو کې ګڼ ښوونیز پروګرامونه جوړ کړي دي.
