د پکتیا د تخنیکي زدهکړو آمریت لخوا یو ورځنی سیمینار جوړ شو
د پکتیا ولایت تخنیکي او مسلکي زدهکړو آمریت د تدریسي مدیرانو او د تخنیکي او مسلکي زدهکړو مرکزونو د معتمدینو ظرفیت لوړولو په موخه یو ورځنی سیمینار ترسره کړ.
د پکتیا د تخنیکي او مسلکي زدهکړو آمر، قاري راز محمد حماس، د دې روزنیز پروګرام له ګډونوالو سره په خبرو کې وویل، چې دغه پروګرام د کارکوونکو د چارو ښهوالي او تنظیم په موخه جوړ شوی دی.
نوموړي له ګډونوالو وغوښتل، چې له دې فرصت څخه په سمه او اغېزمنه توګه ګټه واخلي.
ګډونوالو هم څرګنده کړه، چې د ظرفیت لوړونې پروګرامونه د چارو ښهوالي او اغېزمنتیا لپاره ډېر ګټور دي.
ځکه چې د کارکوونکو ظرفیت لوړول د خدماتو کیفیت لوړوالي او د هرې ادارې او بنسټ د بریالیتوب لپاره مهم ګڼل کېږي، د تخنیکي او مسلکي زدهکړو ادارې مشرتابه هم تل د ظرفیت لوړونې پروګرامونو پر پراختیا ټینګار کړی دی.
