د میدان وردگو ولایت تنګي نور درې کثیرالرشتوي انستیتیوت او د لوگر برشنا رياست ترمنځ هوکړه ليک لاسليک شو
د میدان وردګو ولایت اړوند په تنګي نور درې کثیرالرشتوي انسټیټوټ کې د تخنیکي او مسلکي زده کړو ادارې مسؤلین وايي چې نوموړو د زده کوونکو لپاره د غوره ښوونیز فرصتونو د برابرولو په موخه د لوګر ولایت له برېښنا ریاست سره د ګډو همکاریو هوکړه لیک لاسلیک کړی.
د دې تفاهملیک پر بنسټ، د میدان وردګو ولایت تنګي نور درې کثیرالرشتوي انستیتیوت محصلین کولای شي، چې د دغه ریاست له تاسیساتو او استیشنونو څخه لیدنه وکړي او خپل عملي درسونه په یادو تاسیساتو کې ترسره کړي.
د میدان وردګو ولايت دتخنيکي او مسلکي زده کړو آمر د یاد هوکړهلیک لاسليک کول د زده کوونکو د پوهاوي لوړولو په برخه کې يو ارزښتناک ګام وباله .
