د غزني ولایت د تخنیکي زده کړو آمریت لخوا د سیرت النبی ﷺ د ازموینې پایلې اعلان شوې
د غزني ولایت د تخنیکي او مسلکي زده کړو آمریت د سیرت النبي ﷺ سیالۍ چې د یاد آمریت له خوا په لاره اچول شوې وه، نن ورځ یې د پایلو د اعلان مراسم ترسره کړل.
په دې مراسمو کې د تخنيکي او مسلکي چارو مرستيال مولوي غلام سعيد احساس او همدارنګه د غزني ولایت والي الحاج حافظ محمد امين جان عمري هم ګډون درلود او وينا يې وکړې.
ويناوالو په دې غونډه کې ټينګار وکړ چې ځوانان او زده کوونکي بايد په خپلو کارونو کې د رسول الله ﷺ له سيرت څخه د خپل ژوندانه د اساس په توګه کار واخلي.
دغه راز په دغه پروګرام کې د مقاماتو له خوا د یادې سیالۍ ممتازو زده کوونکو ته جايزې او ډالۍ هم ورکړل شوې او غونډه په دعايې سره پای ته ورسېده.
