د بلخ ولایت د کیمیاوي تکنالوژۍ انسټيټوټ زده کوونکو ته د برښنا په اړه روزنه ورکړل شوه
د بلخ ولایت د کیمیاوي تکنالوژۍ انسټيټوټ د الکتروتخنیک څانګې د دولسم ټولګي زده کوونکو ته د برښنا په اړه په عملي بڼه روزنه ورکړل شوه.
لارښود استاد د درس په جریان کې نوموړو ته د بریښنا او د برق در جریان په اړه توضیحات ورکړل او د هغوی پوښتنو ته یې ځوابونه وویل.
د الکتروتخنیک څانګې زده کوونکو، عملي فعالیتونه د خپلو زده کړو لپاره ګټور ګڼي او د عملي زده کړو په برخه کې یې د مسؤلینو له هلو ځلو څخه قدر داني وکړه.
د تخنیکي او مسلکي زده کړو په مرکزونو کې زیاتره زده کړې عملي دي او د یادو مرکزونو محصلین د فراغت وروسته په مستقیم ډول د کار بازار ته جذب کېږي.
