د میدان وردګو ولایت د ډاکتر عبدالاوکیل کثیرالرشتوي انسټيټوټ
د میدان وردګو ولایت د ډاکتر عبدالاوکیل کثیرالرشتوي انسټيټوټ په ۱۳۸۷ هجري لمریز کال کې د لیسې په کچه تاسیس شو، او په ۱۳۹۰ هجری لمریز کال کې یې د انسټیټوټ په کچه ارتقا ورکړل شوه، چې د لسم(۱۰) څخه تر څوارلسم (۱۴) ټولګي پورې د (لیسې او انسټيټوټ دوره) کې د ادارې او تجارت، کمپيوټرساینس او کرنې په څانګو کې زده کوونکو ته د تخنیکي او مسلکي زده کړو زمینه برابروي.
اساسی ( زیر بنایی ) معلومات:
دا انسټيټوټ دوه بابه دوه پوړه ودانۍ لري، تدریسي تعمیر او لیلیه چې تدریسي تعمیر یې (۱۶) درسي خونې، (۹) اداري خونې او یو باب طعام خانه لري، همدارنګه د اوبو، برق او ورزشي ډګر په امکاناتو سمبال انسټيټوټ دی.
د جوړښت اړوند معلومات :
د میدان وردګو ولایت د ډاکتر عبدالاوکیل کثیرالرشتوي انسټيټوټ په ټوله کې (۱۵) تنه کارکوونکي لري، چې (۶) تنه استادان، (۵) تنه اداري کارکوونکي او (۴) تنه خدماتي کارکوونکي پکې شامل دي.
د جنسیت له مخې د استادانو تفکیک:
دا انسټيټوټ (۶) تنه استادان لري چې ټول استادان یې د نارینه طبقې څخه دي.
کمپوټرلب، لابراتوار او ورکشاپ:
نوموړی انسټيټوټ د زده کوونکو او محصلینو د عملي زده کړو لپاره دوه بابه مجهز کمپیوټر لب، یو باب مجهز لابراتوار او یو مجهز ورکشاپ لري.
تحصیلي څانګې:
دا انسټيټوټ څلور(۳) څانګې ( کمپيوټرساینس، کرنه او اداره او تجارت) لري او (۱۵۵) تنه محصلین په یادو څانګو کې کې په مسلکي زده کړو بوخت دي.
بدل اعاشه:
د یاد انسټيټوټ د (۱۵۵) تنه محصلینو له جملې څخه (۱۹) تنه یې د بدل اعاشې په لیست کې شامل دي.
د تخنیکي او مسلکي زده کړو خپلواکه اداره ژمنه ده چې د مسلکي زده کړو له لارې د هیواد د اوسیدونکو لپاره د کار په بازار کې د کار زمینه برابره کړي.
دغه اداره د بشري ځواک د پراختيا او د هېواد د اقتصادي ودې لپاره هم هلې ځلې کوي.