د پغمان کثیرالرشتوي انسټیټوټ د حرفوي برنامو د زده کوونکو فراغت غونډه
د کابل ولایت په پغمان ولسوالۍ کې د کثیرالرشتوي انسټیټوټ د حرفوي زده کړو د زده کوونکو د فراغت مراسم ترسره شول.
په دغې برنامې کې د موبايلونو ترميم او خياطي شامل دي چې ١٥٠ تنه زده کوونکي ترې فارغ شول.
په دې مراسمو کې د تخنیکي او مسلکي زده کړو ادارې د حرفوي برنامو د سمون رئيس مولوي عصمت الله منير، د متعلمینو او محصلینو چارو رئيس مفتي سيد احسان الله قاسمي او د کابل تخنيکي آمر رفيع الله حبيبي هم حضور درلود.
د تخنيکي او مسلکي زده کړو ادارې د حرفوي برنامو د سمون رئيس په دغو مراسمو کې په خپلو خبرو کې وويل، چې حرفوي برنامې د اقتصاد د ودې او پر ځان بسياينې لپاره ډېر اړين دي. نوموړي زیاته کړه، تخنیکي حرفې د پیغمبرانو میراث دی.
نورو ویناوالو هم د کورنیو اقتصادي ودې او پرځان بسیاینې لپاره د حرفوي زده کړو رول مهم وباله.
