د ولایتونو د تخنیکي او مسلکي زده کړو آمریتونو د فعالیتونو په اړه لنډ راپور
• فاریاب
د فاریاب د قرمقول ولسوالۍ د سیمه ییزو ادارو ۲۵ تنه نوي ګمارل شوي کارکوونکي د ظرفیت لوړونې له پروګرام څخه چې د دغه ولسوالۍ په کثیرالرشتوي انستیتوت کې جوړ شوی وو، فارغ شول.
په دغه روزنیز کورس کې د ادارې او مدیریت مهارتونه، کمپیوټر او انګلیسي ژبې د دوو میاشتو لپاره تدریس شوی دی. د دغه کورس فارغانو د فاریاب ولایت د تخنیکي او مسلکي زده کړو له آمریت څخه د فراغت تصدیق پاڼې ترلاسه کړي.
• لغمان
د لغمان د تخنیکي او مسلکي زده کړو آمریت د یاد ولایت د تخنیکي مرکزونو آمرینو او تدریسي مدیرانو لپاره روزنیز سیمینار ترسره شو.
په دې سیمینار کې د راپور چمتو کولو او کاري پلان مهارتونه تدریس شول.
•کندهار
د تخنيکي او مسلکي زده کړو ادارې پلاوي د دغه ادارې د نصاب او ښوونکو د روزنې رئيس ښاغلی مولوي عصمت الله منير په مشرۍ د سپين بولدک کثيرالرشتوي انسټیټوټ څخه ليدنه وکړه.
ښاغلي منیر د یاد انسټیټوټ له زده کړیالانو سره وکتل او د هغوی د نوښتونو ستاینه یې وکړه.
د تخنيکي او مسلکي زده کړو ادارې د نصاب او ښوونکو د روزنې رئيس د سپين بولدک د کثیرالرشتوي انسټيټوټ د زده کوونکو ستونزې واوريدې او ژمنه يې وکړه، چې ټولې ستونزې به هواري کړي.
