د تخنیکي او مسلکي زده کړو ادارې مشرتابه او کارکوونکو ترمنځ د خبرو اترو غونډه ترسره شوه

media_admin
Mon, Jun 20 2022 3:01 PM
گفتمان ۲

د تخنیکي او مسلکي زده کړو ادارې د مشرتابه او کارکوونکو ترمنځ د خبرو اترو غونډه ترسره شوه.

په دې ناسته کې د تخنیکي او مسلکي زده کړو د مرکزونو کارکوونکو او امرینو خپلې ستونزې او وړاندیزونه وړاندې کړل.

د تخنيکي او مسلکي زده کړو ادارې مشر مولوی غلام حيدر شهامت په خپله وينا کې کارکوونکو ته په خطاب کې وويل: خداى پاک په قران کريم کې څو ځلې په وخت قسم خوړلى دى. "نو موږ باید د وخت ارزښت وپیژنو او د وخت پاملرنه وکړو."

د تخنيکي او مسلکي زده کړو ادارې رييس وويل: "موږ دلته ستاسو (کارکوونکو) پوښتنو ته ځواب ویلو ته حاظر یو." نوموړي دغه راز د تخنيکي او مسلکي زده کړو ادارې پر ټولو کارکوونکو غږ وکړ، چې د هېواد د وضعيت د ښه والي په موخه دې په پوره ايماندارۍ، ژمنتيا او په دقت سره کار وکړي.

په دې ناسته کې د تخنیکي او مسلکي زده کړو ادارې مشرتابه د دې ادارې د کارکوونکو پوښتنو او نیوکو ته ځوابونه وویل.

دا د تخنیکي او مسلکي زده کړو ادارې د مشرتابه او کارکوونکو ترمنځ د خبرو اترو دوهم پړاو دی. د ننګونو د حل او د دې ادارې د وضعیت د ښه کولو په اړه دا هر دوه میاشتې وروسته ترسره کیږي او د کارکوونکو پوښتنو او نیوکو ته ځواب ویل کیږي.