د بدخشان ولایت ارګو کثیرالرشتوي لېسې زده کوونکي له رطوبت سنج سیستم سره آشنا شول
د بدخشان ولایت ارګو کثیرالشتوي لیسې زدهکوونکو ته د تخنیکي او مسلکي زده کړو مرکزونو د عملي زده کړو په چوکاټ کې د یاد ښوونیز مرکز په تحقیقاتي فارم کې د خاورې د رطوبت ټاکلو په اړه روزنه ورکړل شوه.
د دې عملي درس په ترڅ کې، لارښود استاد زدهکوونکو ته د حرارت درجې په واسطه د خاورې رطوبت د فیصدۍ ټاکلو په اړه هر اړخیز توضیحات ورکړل.
دغه راز د درس په دوام کې، زدهکوونکو په دې برخه کې خپلې پوښتنې او سوالونه له لارښود استاد سره شریکې کړې چې د هغوی پوښتنو ته د استاد له لوري جامع ځوابونه هم ورکړل شول.
د تخنیکي او مسلکي زده کړو په مرکزونو کې د زده کړو لویه برخه عملي ده، له همدې امله د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار ته جذب کیږي.
