د برقي موتورونو په اړه د لغمان مرکز اړوند کثیرالرشتوي انسټیټوټ د محصلینو د عملي زده کړو بهیر

د لغمان ولایت د مرکز اړوند کثیرالرشتوي انسټیټوټ د بریښنا څانګې محصلینو ته د برقي موتورونو په اړه په عملي بڼه روزنه ورکړل شوه.
لارښود استاد د درس په ترڅ کې،نوموړو ته د برقي موتورونو، د کالیو مینځلو ماشین د برقي اجزاوو او د هغوی د دندو په اړه مفصل توضیحات ورکړل.
د دې درسي جلسې په دوام کې،د محصلینو پوښتنو او سوالونو ته هم ځوابونه وویل شول.
عملي زده کړې له محصلینو سره مرسته کوي ترڅو نوموړي له فراغت وروسته په مستقیم ډول د کار بازار کې جذب شي.
له همدې امله، د تخنیکي او مسلکي زده کړو ادارې مشرتابه تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.