د کوهستان د تخنیکی او مسلکي انسټيټوټ د محصلینو د عملی زده کړو بهیر
د کاپیسا ولایت د حصه دوم کوهستان ولسوالۍ تخنیکي او مسلکي انسټيټوټ د برښنا څانګې محصلینو د یاد ولایت ده علي بابا خرادۍ ورکشاپ ته په یوه علمي سفر په ترڅ کې د برښنایي تجهیزاتو په اړه په عملي بڼه روزنه ورکړل شوه.
لارښود استاد درس په ترڅ کې، محصلینو ته د بریښنا تجهیزاتو په اړه په مفصله توګه توضیحات وړاندې کړل او د نوموړو پوښتنو ته یې ځوابونه وویل.
د تخنیکي او مسلکي زده کړو په مرکزونو کې د روزنې لویه برخه عملي ده تر څو د تخنیکي او مسلکي زده کړو د مرکزونو فارغان په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو بهير لا پياوړی کړي.
