په میدان وردګو کې د مجاهدینو لپاره د ادارې او مدیریت د روزنیز پروګرام دوام
د میدان وردګو ولایت د تخنیکي او مسلکي زده کړو آمریت چارواکي د دغه ولایت په چک ولسوالۍ کې د اداري او مدیریت د روزنیز پروګرام د پیل خبر ورکوي.
په چک ولسوالۍ کې د مجاهدینو د روزنیز پروګرام د افتتاحیې په مراسمو کې ویناوالو د مجاهدینو د روزنې په برخه کې د تخنیکي او مسلکي زده کړو ادارې د مشرتابه له پاملرنې او هلو ځلو څخه ستاینه وکړه.
د يادونې وړ ده، چې د هېواد په يو شمېر نورو ولايتونو کې هم د مجاهدينو لپاره د ادارې او مديريت روزنيز پروګرامونه پيل شوي دي.
د تخنیکي او مسلکي زده کړو ادارې لخوا د چمتو شوې طرحې پر بنسټ؛ مجاهدین کولای شي په ټول هیواد کې دهغوی د تعلیمي سویې د تثبیت وروسته د تخنیکي او مسلکي زده کړو په مرکزونو کې د زده کړو د دوام لپاره شامل شی.
