د مالي او اداري چارو مرستیال د لغمان ولایت د علماوو شورا له رئیس سره ولیدل
ښاغلي مفتي فضل الرحمن فاضل د تخنیکي او مسلکي زده کړو ادارې، د مالي او اداري چارو مرستیال او ورسره مل پلاوي، د لغمان ولایت د علماوو شورا له رئیس شیخ الحدیث مفتي محمد سلیم حقاني سره لیدنه او خبرې اترې وکړې.
په دغه لیدنه کې مفتي نجم الدین حقاني د دعوت او ارشاد رئیس همدارنګه مفتي سیداحسان الله قاسمي، د متعلمینو او محصلینو چارو رئیس هم شتون درلود.
په دغه ناسته کې دواړو لورو په بېلابېلو موضوع ګانو لکه په هېواد کې د تخنیکي او مسلکي زده کړو په ارزښت خبرې اترې وکړې.
د مالي او اداري چارو مرستیال د تخنیکي او مسلکي زده کړو ادارې د موخو او پروګرامونو په هکله توضیحات ورکړل، د لغمان ولایت د علماو شورا رئیس په هېواد کې د تخنیکي او مسلکي زده کړو ارزښت زیات وباله او د هغه په ملاتړ یې ټینګار وکړ.
