د ترافیکو ریاست د تخنیکي او مسلکي زده کړو ادارې کارکوونکو ته د ډریورۍ مسلکي کورس جوړ کړ
د کابل پولیس ترافیکو ریاست د تخنیکي او مسلکي زده کړو ادارې کارکوونکو ته د ډرېورۍ کورس زده کړې ورکوي.
مولوي نېک محمد نېکمل، د تخنیکي او مسلکي زده کړو ادارې د پلان او ستراتیژيکو همغږیو ریاست رئیس د دغه مراسمو په پرانیست غونډه کې د ډریورۍ د سند په اهمیت ټینګار وکړ.
نوموړي زیاته کړه چې د موټر چلولو په وخت کې د موټروان مسؤلیت ډېر مهم دی، باید د اصولو او قوانینو سره سم ډریوري وکړي.
ښاغلي نېکمل، د تخنیکي او مسلکي زده کړو له ادارې سره د ترافیکو د محترم ریاست له همکاری مننه وکړه.
همدارنګه، استاذ حاجي محمد کریم د ترافیکو د کورس، د نظري برخې استاذ د دغه مراسمو د پرانیستلو په مراسمو کې وویل چې د ډریورانو لپاره په ترافیکي قوانینو او مقرراتو پوهېدل ډېر اړین دي. نوموړي له ګډون کوونکو وغوښتل چې د ترافیکي قوانینو او اصولو په زده کړه کې هلې ځلې وکړي.
په همدې حال، مولوي محمد مصطفی محمدي، د ادارې د پلان او ستراتیژیکو همغږیو ریاست، د همغږۍ مسؤل وینا وکړه او له دغه ادارې سره د ترافیکو ریاست له همکاری یې مننه وکړه.
