د کابل په ۱۹ ناحیه کثیرالرشتوي انسټیټوټ کې د لنډ مهاله خیاطۍ کورس په لاره اچول شوی دی
د تخنیکي او مسلکي زده کړو ادارې د حرفوي برنامو د سمون ریاست له خوا د کابل ښار د ۱۹مې ناحیې په کثیرالرشتوي انسټیټوټ کې د خیاطۍ درې میاشتنی کورس په لاره اچول شوی دی.
په دغه کورس کې ۹۰ تنو زده کوونکو نوم لیکنه کړې ده.
د تخنيکي او مسلکي زده کړو ادارې د حرفوي برنامو د سمون رئیس عبدالودود هوتک لنډ مهاله کورسونه د کارموندنې او د عاید په ترلاسه کولو کې اغېزمن وبلل.
ښاغلي هوتک وویل چې لنډ مهاله روزنیزو برنامو د پراخولو هڅې روانې دي.
تر دې وړاندې هم د حرفوي برنامو د سمون ریاست د مرکز او ولایتونو په انسټیټونو کې څو روزنیز کورسونه په لاره اچولې وو.
