د ولایتونو د تخنیکي او مسلکي ښوونکو ظرفیت لوړونې ورکشاپ ترسره شو
د ولایتونو د تخنیکي او مسلکي مرکزونو د ۷۵ تنو استادانو ظرفیت لوړونې پنځه ورځنی ورکشاپ په بریالیتوب سره پای ته ورسید.
دغه ورکشاپ د اکمال تخصث انسټیټوټ له خوا په کابل کې د فراه، نیمروز، هلمند، کندهار او ننګرهار ولایتونو د ښوونځیو او انسټیټونو د ۷۵ ښوونکو لپاره د (د تدریس اصولو) تر سرلیک لاندې جوړ شو.
په دې ورکشاپ کې استادانو د تدریس نوي میتودونه او معیاري تدریسی پلان ترتیب په اړه زده کړه وکړه.
د تخنیکي او مسلکي زده کړو مستقلې ادارې د نصاب او ښوونکو د روزنې ریاست په پام کې لري چې په ښوونځیو او موسسو کې د زده کړو کیفیت د لوړولو په موخه دا ډول ورکشاپونه په لاره واچوي.
