د تخنیکی او مسلکی زده کړو ادارې سرپرست په کابل کې د کڼو له مسلکي لېسې څخه لیدنه

media_admin
Wed, Aug 03 2022 4:05 PM
د کڼو لیسه

د تخنيکي او مسلکي زده کړو ادارې سرپرست مولوي غلام حيدر شهامت او ورسره مل پلاوي د کابل کڼو له مسلکي لېسې څخه ليدنه وکړه.

 مولوي شهامت د يادې لېسې استادانو ستونزې واورېدې او چارواکو ته يې د حل په موخه لازمې لارښوونې ورکړې.

 نوموړي د بېلابېلو ټولګیو له تدریسي بهیر څخه لیدنه وکړه او د هغوی نصاب یې و ارزاوه.

ښاغلي شهامت د يادې لېسې چارواکو ته وويل، چې د نوموړی لیسی  زده کوونکو اسلامی پوهې سره د لا ښه اشنا کولو په موخه دې د ديني علومو مضمونونو ساعتونه زيات کړي.

د تخنيکي او مسلکي زده کړو ادارې سرپرست يو ځل بيا ډاډ ورکړ، چې ډېر ژر به ددی لیسی د څاه د کيندلو او جوړولو چارې پيل شي.

د يادونې وړ ده، چې د کڼو مسلکی لېسه کې تر ٤٠٠ زيات کاڼه زده کوونکي، نارينه او ښځينه دواړه په زده کړو بوخت دي.