د تخنیکي او مسلکي زده کړو ادارې د اکاډمیکو چارو مرستیال د کابل میخانیکي انسټیټوټ څخه لیدنه وکړه

media_admin
Sat, Nov 06 2021 1:20 AM
tveta55

ښاغلی نورمحمد عزیزي؛ د تخنیکي او مسلکي زده کړو ادارې اکاډمیکو چارو مرستیال د کابل میخانیکي انستیتوت څخه لیدنه وکړه.

ښاغلي عزیزي ددغه انسټیټوټ له استادانو او زده کړیالانو سره وکتل او د هغوی ستونزې او وړاندیزونه یې واورېدل.

ښاغلي عزیزي د اداري پلاوي او د کابل میخانیکي انستیټوټ د استادانو په غونډه کې هم ګډون وکړ او د ستونزو د حل په اړه یې خبرې وکړې.

ښاغلی عزیزی وویل، چې ددې ادارې د استادانو او کارکوونکو د معاشونو ورکول یې لومړیتوب دی.

نوموړي د تخنيکي او مسلکي زده کړو ادارې د خپلواکۍ پر ساتلو ټينګار وکړ، ځکه د ښاغلي عزيزي په وينا، د دغه اداره د خپلواکۍ په ساتلو سره د دې ادارې د کار ساحه پراخه ده او په خپلو کاري پرېکړو کې خپلواک دی.

تولیدي انسټیټونو محصولاتو ته د بازارموندنې په اړه بحث، د پانګوالو همکارۍ جلبول د اکاډمیکو چارو مرستیال د کابل میخانیکي انسټیټوټ له مسوولینو سره د خبرو بل اړخ وو.