د شهیدانو او معلولینو چارو له وزیر ښاغلی لعل الدین آریوبي سره د تخنیکي او مسلکي زده کړو ادراې مشری ندیمه سحر کتنه؛

media_admin
Sat, Jan 09 2021 9:06 AM
tveta15

د پنجشنبې په سهار، د تخنیکي او مسلکي زده کړو ادارې مشری  میرمن ندیمه سحر د شهیدانو او معلولینو چارو له وزیر ښاغلي لعل الدین اریوبي سره په خپل دفتر کې وکتل. پدې ناسته کې، د معلولیت لرونکو خلکو د ژوند، اقتصادي وضعیت ښه والي او د ملي معلولیت ستراتیژۍ په چوکاټ کې خبرې وشوې.

میرمن سحر د معلولینو ملي ستراتیژي په هیواد کې د معلولینو د ژوند او اقتصادي وضعیت د ښه والي لپاره څرګند لید وباله: د معلولینو لپاره د اقتصادي لید لرونکي، لید څرګندلو سره د تخنیکي او مسلکې زده کړو اداره په پام کې لري چې د ټولنې دا مهمه او اغیزمنه برخه د ټولنیزې انزوا څخه راپورته شوې او د تخنیکي او مسلکي زده کړو له ترلاسه کولو وروسته د کار بازار ته شامل شی. له همدې امله، د ځانګړو زده کړو نصاب د افغانستان د کار بازار، ټولنیزو شرایطو او معیارونو ته بیا کتنه شوې.

میرمن سحر زیاته کړه: د ځانګړو زده کړو مرکزونو رامنځته کول د تخنیکي او مسلکي زده کړو ادارې په پراختیایې پلان کې شامل دي، چې په ټولو ولایتونو کې به د ځانګړو زده کړو مرکزونه جوړ شي  ترڅو هغه هیوادوالو ته چې د محدودو وړتیاوو لرونکې دی په دې مرکزونو کې د زده کړو زمینه برابره شی.

له همدې امله، د هیواد په ۱۸ ولایتونو کې د ځانګړو زده کړو ښوونځي فعال دي او شاوخوا (۲۰۰۰) زده کوونکي روزل کیږي او په پام کې ده، ۱۴۰۰ کال کې د هیواد په ټولو ولایتونو کې دا مرکزونه جوړ او په عملي ډول پیل شي.

هغه همدارنګه ټینګار وکړ چې د مرکزونو سره د روزنې اړین تجهیزات سمبالول، د دې ادارې د پلانونو یوه برخه ده چې تعلیمي پلانونه په نظری او عملي توګه پلي کړي.

 د همدې لپاره، د ملي معلولیت ستراتیژۍ طرح او پلي کول، د تخنیکي او مسلکي زده کړو ادارې مدیریت ستراتیژي له یو بل سره مطابقت لري او کولی شي په افغانستان کې ځانګړي وړتیا لرونکي خلک ځان بساینې او پرمختګ ته لار پیدا کړي.

ښاغلي آریوبی د دې ادارې  د همکارۍ څخه مننه څرګنده کړه، ویې ویل؛ د شهیدانو او معلولینو چارو وزارت کې د معلولیت لرونکو اشخاصو د ژوند شرایطو د څارنې او د ټولو دولتي ادارو په همکارۍ د پلي کیدو څرنګوالي لپاره جامع ستراتیژي جوړه کړې.

هغه زیاته کړه چې وزارت لا تر مخه د هرې څانګې پلان د خپل کار د دوام په هکله چمتو او شریک کړی دی. د عمل پلان کې، مسئلی په تفصیل سره تر بحث لاندې نیول شوې او هره څانګه کولی شي دا پیاوړي او بډایه کړي، او په ورته وخت کې خپل اندونه د شهیدانو او معلولینو چارو له وزارت سره شریک کړي.

Latest news

Wed, Jul 24 2024 10:40 AM
Background image

Technical and Vocational Education and Training Authority Held a Graduation Ceremony

Technical and Vocational Education and Training Authority Organized a Graduation Ceremony for Students of Technical and Vocational Education Centers of Kabul Province. High-ranking. . .

Mon, Apr 08 2024 10:20 AM
Background image

Congratulatory Message of the Supreme Leader of the Islamic Emirate on the Arrival of the Auspicious Eid-ul Fitr

To the Faithful and Mujahid Nation of Afghanistan and All the Muslims around the World! I would like to extend my heartfelt congratulations on the arrival of the auspicious Eid-ul Fitr. . .

Sun, Mar 24 2024 2:24 PM
Background image

Holding a ceremony to inaugurate the new academic year in the TVET-A

The beginning of the new academic year 1403 AH, the Department of Technical and Vocational Education TVET-A held a ceremony attended by several ministers and members of the government. . .

BACK TO NEWS