د تخنیکي او مسلکي زدهکړو ادارې د اکاډمیک بورډ ناسته ترسره شوه
د تخنیکي او مسلکي زدهکړو ادارې د اکاډمیک بورډ ناسته د دې ادارې د بېلابېلو ریاستونو د یو شمېر رئیسانو په ګډون د تخنیکي او مسلکي چارو په معاونیت کې ترسره شوه.
د غونډې په پیل کې د اکاډمیک بورډ د تېرې غونډې پرېکړې مطرح شوې او د تضمین کیفیت او اعتبار ورکولو ریاست د خپلو اجراآتو د څرنګوالي په اړه راپور وړاندې کړ.
همدارنګه د جلسې په دوام کې، مالي ریاست او د متعلمینو او محصلینو چارو ریاست د تخنیکي او مسلکي زدهکړو د تولیدمحوره کولو د معیارونو په اړه مفصل معلومات او توضیحات وړاندې کړل.
د نننۍ اکاډمیک بورډ په ناسته کې د خصوصي تخنیکي او مسلکي زدهکړو مرکزونو اړوند موضوعات او همدارنګه د تعلیمي نصاب اړوند مسایل هم وڅېړل شول او ګډونوالو خپل نظرونه او وړاندیزونه شریک کړل.
په دې جلسه کې پر نورو اړوندو موضوعاتو هم بحث وشو او ټینګار وشو چې د تخنیکي چارو ټول اجراآت باید پر وخت او د نافذه اصولو مطابق ترسره شي.
