د خوست ولایت مرکز کثیرالرشتوي انسټيټوټ کتابتون په ۱۱۰ مختلف النوع کتابونو سره سمبال شو
په خوست ولایت کې د تخنیکي او مسلکي زده کړو ادارې مسؤلین وايي چې د یو اقدام په ترڅ کې ددې ولایت اړوند مرکز کثیرالرشتوي انسټيټوټ د کتابتون د سمبالولو لپاره د شیخ زاید پوهنتون له لوري ۱۱۰ ټوکه مختلف النوع کتابونو ډالۍ شوي دي.
د مسؤلینو په وینا ، دغه اقدام د علمي ودې او د زده کونکو ترمنځ د مطالعې فرهنګ د پیاوړتیا په موخه ترسره شوی.
په ورته وخت کې، د خوست ولایت د تخنیکي او مسلکي زده کړو آمریت د شیخ زاید پوهنتون څخه د دې کتابونو د ورکړې په برخه کې قدرداني څرګنده ، او د دغه شان همکاریو د دوام غوښتنه یې هم وکړه.
د شیخ زاید پوهنتون مسؤلینو هم د تخنیکي او مسلکي زده کړو ادارې له فعالیتونو څخه د ستاینې ترڅنګ د دې ادارې سره د ګډو همکاریو د دوام ډاډ ورکړ.
