د تخنیکي او مسلکي زده کړو لویدیځ زون ریاست؛ فعالیتونه او لاسته راوړنې
د تخنیکي او مسلکي زده کړو ادارې د لویدیځ زون ریاست له شاوخوا یوې میاشتې راهیسې د نورو زونونو سره یوځای د تخنیکي او مسلکي زده کړو ادارې په چوکاټ کې خپل فعالیت پیل کړی.
د تخنیکي او مسلکي زده کړو ادارې د مسؤلینو په وینا، په هیواد کې د تخنیکي او مسلکي زده کړو زونونو له جوړیدو څخه موخه په ولایتونو کې د تخنیکي او مسلکي زده کړو ادارې د پروګرامونو او ستراتیژیک پلان پلي کیدل او عملي کول دي.
په ورته وخت کې، د تخنیکي او مسلکي زده کړو ادارې د لویدیځ زون رئیس، مولوي ملتان ذاکر، د خپلې دندې له پیل راهیسې د هرات ولایت مقام په ډیری غونډو کې په فعاله توګه برخه اخیستې ده.
په دې غونډو کې، نوموړي د لویدیځ زون د تخنیکي او مسلکي زده کړو مرکزونو اهداف، پروګرامونه او ستونزې د ولایتي مسؤلینو سره شریکې کړي دي.
دغهراز، ښاغلي ذاکر په هرات کې د یو شمیر خیریه موسسو او بنسټونو سره هم لیدلي او د تخنیکي او مسلکي زده کړو مرکزونو د ننګونو څخه یې له نږدې څارنه کړې ده.
سربېره پردې، د تخنیکي او مسلکي زده کړو ادارې د لوېدیځ زون رئیس په هرات ولایت کې د لا همغږۍ لپاره د یاد ولایت له ولایتي مسؤلینو لکه د کډوالو چارو رئیس، د اقتصاد رئیس، د سوداګرۍ خونې رئیس او د پوهنې رئیس سره په جلا توګه لیدلي او خبرې اترې یې کړې دي.
نوموړي په دې ناستو کې پر بیلابیلو بنسټونو کې د تخنیکي او مسلکي زده کړو مرکزونو د فارغانو د جذبکیدلو او ګمارلو پر څرنګوالي بحث کړی او د ولایتي مسؤلینو له لوري ځینې ژمنې هم وړاندې شوي.
دا په داسې حال کې ده چې د تخنیکي او مسلکي زده کړو ادارې رهبري هڅه کوي ترڅو د تخنیکي او مسلکي زده کړو د زونونو له لارې د تخنیکي او مسلکي زده کړو په مرکزونو کې ښوونیز کیفیت نور هم پیاوړی او پراخ کړي.
