د فارياب مرکز کثيرالرشتوي انسټيټوټ محصلینو ته د لیول کولو په اړه روزنه ورکړل شوه

د فاریاب ولایت د مرکز کثیرالرشتوي انسټيټوټ د ساختماني انجینرۍ څانګې محصلینو ته د یاد ولایت د شهر سازي ریاست په اړونده ساحاتو کې د سطحې د لیول کولو په اړه په عملي بڼه روزنه ورکړل شوه.
لارښود استاد محصلینو ته د لیول کولو د طریقو او روشونو په اړه مفصل توضیحات ورکړل.
د تخنيکي او مسلکي زده کړو په مرکزونو کې زياتره زده کړې عملي وي، له همدې امله د تخنيکي او مسلکي زده کړو د مرکزونو فارغان له فراغت وروسته په مستقيم ډول د کار بازار ته جذبيږي.