د زرمت میخانیکي عالي لیسې د یوه زده کوونکي له خوا د اوبو د پمپ جوړول
د پکتيا ولايت زرمت ولسوالۍ ميخانيکي لېسې د بريښنا څانګې يوه نوښتګر زده کوونکي د اوبو پمپ جوړ کړ.
د دې وسایلو جوړوونکی حکیم ولیزاده نومیږی او د زرمت ولسوالۍ میخانیکي لېسې برېښنا څانګې دولسم ټولګي زده کوونکی دی.
هغه په خپل لګښت د اوبو یو پمپ جوړ کړی، چې له ۱۰ تر ۱۵ مترو پورې د اوبو د پورته کولو توان لري.
حکيم جان وايي، که خام مواد او وسايل ورته ورکړل شي، د اوبو د معياري پمپ د جوړولو توان لري.
د تخنيکي او مسلکي زده کړو ادارې يو له موخو څخه د نوښتګر، ماهر او کارپوه ځواک روزنه ده.