د تخنیکي او مسلکي زده کړو ادارې پلاوي د یاوان او راغستان تخنیکي زده کړو مرکزونو څخه لیدنه وکړه
د تخنیکي او مسلکي زده کړو ادارې پلاوي د خپل سفر په دوام کې د بدخشان ولایت د یاوان او راغستان ولسوالیو له تخنیکي او مسلکي زده کړو مرکزونو څخه لیدنه وکړه.
نوموړو په دې لیدنه کې له سیمه ییزو چارواکو، علما کرامو او مشرانو سره هم وکتل او خبرې اترې یې وکړې.
د سیمه ییزو مشرانو او مسؤلینو سره د دې پلاوي د لیدنې محور، د بدخشان ولایت په راغستان او یاوان ولسوالیو کې د نویو ښوونیزو څانګو جوړول دي.
په ورته وخت کې، د یاوان او راغستان ولسوالیو مسؤلینو د تخنیکي او مسلکي زده کړو له ادارې سره د هر اړخیزو همکاریو ډاډ ورکړ او ژمنه یې وکړه چې په ټولو برخو کې به د تخنیکي او مسلکي زده کړو له مرکزونو سره همکاري کوي.
دا سفر په داسې حال کې ترسره کیږي چې د تخنیکي او مسلکي زده کړو ادارې رهبري هڅه کوي ترڅو د تخنیکي او مسلکي زده کړو مرکزونو کې د کار بازار د اړتیاو سره سم نوې ښوونیزې څانګې رامینځته کړي.
