د تور الماس په نندارتون کې د پکتیا تخنیکي او مسلکي زده کړو مرکزونو لاسته راوړنې نندارې ته وړاندې شوې
د پکتیا ولایت د تخنیکي او مسلکي زده کړو ادارې مسؤلینو د یاد ولایت د تور الماس په درې ورځنی ملي او نړیوال نندارتون کې ګډون وکړ.
په دې نندارتون کې د پکتیا ولایت د تخنیکي او مسلکي زده کړو مرکزونو زدهکړیالانو او زده کونکو کرنیز محصولات، نوښتونه او ابتکارات، او همدارنګه د نوموړو په لاس جوړ شوي یو شمیر هنري اثار په جلا غرفو کې نندارې ته وړاندې شول.
د مسؤلینو په وینا، دا نندارتون د پکتیا ولایت د صنعت او سوداګرۍ ریاست لخوا د کورنیو تولیدونکو د ملاتړ او د داخلي محصولاتو کارولو ته د خلکو هڅولو په موخه تنظیم شوی و.
د یادونې وړ ده چې په دې نندارتون کې د تخنیکي او مسلکي زده کړو آمریت اړوند نندارې ته وړاندې شوي هنري اثارو او یو شمیر نور محصولاتو څخه د ګډونوالو لخوا تود هرکلی وشو.
