دبدخشان ولایت د ارګوې ولسوالۍ کثیرالرشتوي لېسه
د بدخشان ولایت د ارګوې ولسوالۍ کثیرالرشتوي لېسه په ۱۳۹۹ هجري لمریز کال کې تاسیس شوه، چې د (عمومي کرنې) په برخه کې له لسم (۱۰) څخه تر دولسم (۱۲) ټولګي (د لیسې دورې) زده کوونکو ته تخنیکي او مسلکي روزنه وړاندې کوي.
اساسي (زیربنایي) معلومات:
یاده لېسه دولتي ځمکه او تعمیر نلري او خپل ټول ښوونيز فعاليتونه په يوه کرايي ودانۍ کې په (٦) درسي خونو او دفترونو کې پرمخ وړي.
د تشکیل اړوند معلومات:
د بدخشان ولایت د ارګوې ولسوالۍ کثیرالرشتوي لیسه د (۳) ښوونکو، (۲) اداري کارمندانو او (۲) خدماتي کارمندانو په ګډون په ټوله کې (۷) تنه رسمي کارکوونکي لري، همدارنګه یاده لیسه یو تن حق الزحمه ښوونکی هم لري .
د جنسیت له مخې د استادانو تفکیک :
دغه لېسه (۴) تنه رسمي او حق الزحمه ښوونکي لري چې د نارینه طبقې څخه دي.
تحصیلي څانګې:
دبدخشان ولايت د ارګوې ولسوالۍ کثيرالرشتوى ليسه (١) د کرنې عمومي څانګه لري، چې ۸۱ تنه زده کوونکي په دې برخه کې په تخنيکي او مسلکي زده کړو بوخت دي.
بدل اعاشه:
دغه لېسه (۸۱) تنه زده کوونکي لري، چې له دې جملې څخه (۸) تنه یې د بدل اعاشې په لیست کې شامل دي.
د تخنیکي او مسلکي زده کړو اداره ژمنه ده چې د خپلو تخنیکي او مسلکي زده کړو له لارې د هېوادوالو لپاره د دکار په بازار کې د کار زمینه برابره کړي.
دغه اداره د بشري ځواک د پراختيا او د هېواد د اقتصادي ودې لپاره هم هلې ځلې کوي.