د تخنيکي او مسلکي زده کړو ادارې اصلاحي غونډه ترسره شوه
د تخنيکي او مسلکي زده کړو ادارې اونيزه اصلاحي غونډه د دغې ادارې د کارکوونکو په حضور او د ښاغلي مولوي عبدالمالک ابو وثیق په وينا ترسره شوه.
نوموړي په دغې ناسته کې د مسلمانانو له خوا د شکر ادا کولو په اړه خبرې وکړې.
ښاغلي مولوي عبدالمالک زیاته کړه چې مسلمانان باید ټول عبادتونه د الله تعالی د رضا لپاره ترسره کړي او د الله تعالی د نعمتونو شکر ادا کړي.
نوموړي وویل چې په چارو او عباداتو کې اخلاص د مسلمانانو لپاره خورا مهم دی او ټینګار یې وکړ چې ټول کارونه او عبادتونه باید په اخلاص او د الله تعالی د رضا لپاره ترسره شي.
ښآغلي مولوی عبدالمالک ابو وثیق د هیواد ته د خدمت کولو او د خدای په لاره کې د هلو ځلو په ګډون په نورو مسایلو خبرې وکړې.
غونډه د خیر دعا په ویلو سره پای ته ورسیده.
