په پغمان انسټیټوټ کې د موبایل ترمیم او خیاطۍ لنډ مهاله کورس په لاره اچولی
د تخنیکي او مسلکي زده کړو ادارې د حرفوي برنامو د تنظیم ریاست له خوا د کابل په پغمان کثیرالرشتوي انسټیټوټ کې د موبایل ترمیم او خیاطۍ درې میاشتنی کورس په لاره واچول شو.
په دغه کورس کې، یوازې د موبایل ترمیم په څانګه کې د 300 کسانو په ګډون، سلګونو کسانو نوم لیکنه کړې.
د تخنيکي او مسلکي زده کړو ادارې د حرفوي برنامو د سمون رئيس عبدالودود هوتک د کارموندنې او عاید ترلاسه کولو په موخه لنډ مهاله برنامې مهمې وبللې.
ښاغلي هوتک وویل چې د لنډ مهاله روزنیزو برنامو د پراخولو هڅې روانې دي.
تر دې وړاندې هم د حرفوي برنامو د سمون ریاست د مرکز او ولایتونو په انسټیټونو کې څو روزنیزې دورې په لاره اچولي دي.